“وكيلـ”ـليكس #10

مرحباً.. مجموعة “وكيليات” جديدة، أكبر بعض الشئ من المرات الفائتة (حلوة الفائتة دي) وهي متباعدة زمنياً نوعاً ما فلا تستغرب الموضوعات ^^

 

- معلومة وكيلية 212: الشعب المصري شعب يقدّس الرموز. عشان كده مش مستغرب أوي من “أبناء مبارك” ولا “البردعاوية” اللي بيقدسوه تقديس! #WakeelFacts

 

- معلومة وكيلية 213: لما الواحد يشوف ستيتس رائعة ومفيش عليها ولا لايك ولا كومنت أو كومنتات ساخرة، بيزعل.. بيزعل بجد..! #WakeelFacts

 

- معلومة وكيلية 214: بكرة إن حد يفرض وجهة نظر واحدة ويقول دي الصح وإن كان في الدين نفسه.. بصراحة يعني! #WakeelFacts

 

- معلومة وكيلية 215: مفيش حاجة اسمها موضوع مينفعش يبقى فيه وجهة نظر.. حتى أكبر الثوابت والحياة نفسها وجهات نظر..! #WakeelFacts

 

- معلومة وكيلية 216: متقولش على ناس مش عاجبينك إنهم “عبيد”.. لأن الحياة خد وهات وهتلاقي اللي يقولك الكلمة دي بالحرف بعدين! #WakeelFacts

 

- معلومة وكيلية 217: بعتبر كسر خاطر البنت خطيئة وعيبة لا تغتفر في حق اللي يعمل كده.. الحقيقة يعني! #WakeelFacts

 

- معلومة وكيلية 218: بحب لما أصحى الصبح وأفتح الفيس ألاقي رسالة أو اتنين في الإنبوكس.. بيبسطوني أوي الصراحة )) #WakeelFacts

 

- معلومة وكيلية 219: الأمهات أكتر ناس في الدنيا يقدروا يفقسوك مهما كنت مخبّي )) #WakeelFacts #GodBlessOurMoms

 

- معلومة وكيلية 220: بعض مواقع الأخبار بتحسسني إن محدش بيقول تصريحات في مصر كلها غير الإخوان والسلفيين ) #WakeelFacts

 

- معلومة وكيلية 221: ما دام إنت جاهز بحكمك المسبق على أي حد، يبقى بتسمح لي وبكل ضمير أهزأك من كل قلبي وبحكم مسبق أنا كمان #WakeelFacts

 

- معلومة وكيلية 222: الآرت وورك بتاع الألبومات الموسيقية أحياناً بيبقى فنّ حقيقي عبقري.. ^^ #WakeelFacts

 

- معلومة وكيلية 223: الوكيل: راجل.. مش مان ‎:)‏))) ‎#WakeelFacts‏

 

- معلومة وكيلية 224: الوحيد اللي مسجل الوكيل في موبايله بهاشتاج وكيل فاكتس هو الأخ ده ‎@YasserMar3ey‏ ‎:-D‏ ‎#WakeelFacts‏

 

- معلومة وكيلية 225: لما ألاقيك متفرغ لشتيمة الإسلاميين ومش بتعمل حاجة مفيدة وهما بيعملوا ولو بيغلطوا، متوقع مني أصدقك إزاي؟ #WakeelFacts

 

- معلومة وكيلية 226: الناس في تويتر بيعملوا ريتويت للأخبار اللي على مزاجهم وبس.. حقيقة! #WakeelFacts

 

- معلومة وكيلية 227: لما الآخوان بيغلطوا بيبقى ليهم ألف شتام ولما غيرهم يغلط لو الشتامين كملوا 10 ابقى قابلني! #wakeelfacts

 

- معلومة وكيلية 228: كلمة “اقتحام” دي بتحسسني إن سوبرمان كسر الباب ودخل دمّر الشقة بأشعة نظره )) #WakeelFacts

 

- معلومة وكيلية 229: أنا بقول كلمة “يعني” في كل جملة بمعدل مرتين إلى أربع مرات ع الأقل.. حاجة رخمة يعني #WakeelFacts

 

- معلومة وكيلية 230: ثوار كتير وناس كتير من أهل تويتر كلمة توديهم وكلمة تجيبهم..! #WakeelFacts

 

- معلومة وكيلية 231: أول ما أشوف كلمة “استراتيجية” في بداية أي جملة في مقال، بقية الجملة أو المقال كله بيتكروت! ) #WakeelFacts

 

- معلومة وكيلية 232: البقاء على الحياد أحياناً يكون أصعب كثيراً جداً من أن تتخذ صفّ أحدهم..! #WakeelFacts

 

- معلومة وكيلية 233: الوكيل موصلش للعالمية.. العالمية هي اللي وصلت له #WakeelFacts

 

- معلومة وكيلية 234: الوكيل بينبسط لما بيضيف اسم مكان جديد على فور سكوير #WakeelFacts #FourSquare

 

 

حلو كده أوي المرة دي

 

شكراً ^^

 

محمد الوكيل

A.M.revolution

كتابي الإلكتروني الأول: (اسمع! القلم بيعزف مزيكا) :)

سلام عليكم جميعاً

خبر بسيط جداً أرجو إنه يعجبكم بإذن الله من شوية بس أصدرت كتابي الإلكتروني الجديد، وهو (اسمع! القلم بيعزف مزيكا..)! ^^

 

الكتاب حوالي 80 صفحة بصيغة بي دي إف، وهو مجموعة نصوص متنوعة، كلها مشتركة في إنها مستوحاة من أعمال موسيقية متنوعة تتراوح بين المقطوعات الهادئة وأغاني الميتال الصاخبة.. ^^

رابط تحميل الكتاب:

http://www.mediafire.com/?43nf4o5iyi6vo61

صفحة الكتاب على موقع Goodreads:

http://www.goodreads.com/book/show/13419941

 

مش هطول عليكم بقى وأسيبكم مع الكتاب )

في انتظار آراءكم بإذن الله

شكراً ^^

محمد الوكيل

A.M.Revolution

“وكيلـ”ـليكس #9

بسم الله الرحمن الرحيم

- معلومة وكيلية 195: مش بحب اللي ينصحني أعمل حاجة بإنه يعتّت في جتتي

عشان معملتهاش من زمان =.= #WakeelFacts

- معلومة وكيلية 196: الباند اللي اسمه Rise Against جامد بغباء! ^^

#WakeelFacts #RiseAgainst

- معلومة وكيلية 197: التخفف عن الوجع بالكتابة أفضل أنواع التخفف، بعد الضحك

والخروج مع الأصدقاء ^^ #WakeelFacts

- معلومة وكيلية 198: بلعب في شعر سكسوكتي كتير.. ودي علامة مش صحية،

معناه إني قلقان أو متوتر من حاجة =.= ‎#WakeelFacts‏

- معلومة وكيلية 199: القعدة قدام الفيس وتويتر كتير بتحوّلك لبارانويد من الدرجة

الأولى.. وما أبرّئ نفسي =.= #WakeelFacts

- معلومة وكيلية 200: مبسوط إني وصلت أخيراً للمعلومة المائتين )) ربنا يكتّر في

وكيلياتي #WakeelFacts

- معلومة وكيلية 201: بحب الصراحة وبحب اللي يقعد معايا يطلّع كل اللي في قلبه..

في الحقيقة بعشقهم عشق كده!! ^^ #WakeelFacts

- معلومة وكيلية 202: أسخف حاجة ف تويتر المبالغة والاشتغال.. لدرجة إني بدأت

أشك إن 3/4 معلوماتي عن الثورة مشكوك فيها ^^” #WakeelFacts

- معلومة وكيلية 203: في الأأجواء الماطرة الباردة دي، يتزايد عدد الناس “العجيبة”

اللي مبسوطة من الجو أوي ومش فاهم إزاي =.= #WakeelFacts

- معلومة وكيلية 204: مش بسمع كلام أي حد في أي حاجة إلا لما أقتنع أو لسبب

قوي.. بس! ^^ #WakeelFacts

- معلومة وكيلية 205: كتير من شباب السلفيين اللي أعرفهم مثقفين بشكل غير متوقع..

حقيقي! ^_^ ‎#wakeelfacts‏

- معلومة وكيلية 206: بحب منظر عادل إمام وهو بيقول: اللي هو إزاي يعني؟ أو:

طب وأنا أعمل إيه يعني؟ ‎:)‏))) ‎#WakeelFacts‏

- معلومة وكيلية 207: بعشق كولدبلاي!! بشكل جنوني وبطريقة لا تصدق!!

‎#Coldplay‏ ‎#WakeelFacts‏

- معلومة وكيلية 208: ووووووووووووه! ووووووووووووووووه!!

وووووووووووووووووه! وووووووووووووووووووه! ‎:)‏ ‎#WakeelFacts‏

‎#Happy‏ ‎http://is.gd/lbOHPB‏

- معلومة وكيلية 209: لو إنت كاتب، تويتر هيعلمك -غصب عنك- التكثيف في

الكتابة.. زي ما علمني! )) #WakeelFacts

- معلومة وكيلية 210: الأرقام القياسية ف الحاجات التافهة بتبقى رائعة لأنها بتوريك

لحد فين قدرة الإنسان ممكن توصل! ^^ #WakeelFacts

- معلومة وكيلية 211: البابلك مادة مملة بغباء.. تحسسك إن كلية الطب بتعتبرك غبي هايست ليفل يعني! #WakeelFacts #ItsMedicalStudentLife

نكتفي بهذا القدر ))

محمد الوكيل

A.M.Revolution

“وكيلـ”ـليكس #8

بسم الله الرحمن الرحيم

كنت بقالي مدة منقطع تماماً عن كتابة الوكيليات أو الشغل على هاشتاج (وكيل فاكتس)، لأسباب مختلفة منها التوتر وأحوال البلد ومنها الزهق المطلق.. لكن النهارده قررت أرجع أكتبها وأجمّعها، لكن من غير تأريخ للتويتات نفسها توفيراً للوقت والمجهود يعني ^^

معلومة وكيلية 179: نفسي اللي أتناقش معاه وهو شايفني غلط يفهمني غلطي بهدوء وبابتسامة عريضة.. مش بعيد أكافأه والله! ^^ #WakeelFacts

 

معلومة وكيلية 180: مش فاهم ليه بعض أصدقائي بيعتبروني إني عندي مشكلة ف الفهم لمجرد إني مش بحب أديب أو مغني معين..! ^^” #WakeelFacts

 

معلومة وكيلية 181: بكره المواضيع اللي أخطاءها الإملائية أكتر من الكلام نفسه =.= #WakeelFacts

 

معلومة وكيلية 182: مش فاهم ليه “القهوة الصباحية” دي معلّقة مع كل الأدباء والشعراء والمدونين تقريباً.. هما بيحطوا فيها حشيش؟ ^^” #WakeelFacts

 

معلومة وكيلية 183: فيه شئ غامض مخلّي أفضل المدونات على النت مدونات بنات، وأفضل التدوينات اللي ممكن تقراها تدوينات بنات! ) #WakeelFacts

 

معلومة وكيلية 184: محمد الوكيل.. زيرو عشرة أربع وحايد صفرين اتنين #WakeelFacts

 

معلومة وكيلية 185: أغنية “فيفا لا فيدا” من أحلى ما سمعت في حياتي بلا أدنى مبالغة..! تحيا الحياة! #WakeelFacts #VivaLaVida

 

معلومة وكيلية 186: الرسائل الإلهية في الحياة قد تكون مذهلة فعلاً..!! #WakeelFacts

 

معلومة وكيلية 187: الوكيل متشوق لقتال من نوع ما.. مش حاجة معينة ومش بسبب حقد شخصي ولا حاجة، حاجة لشوية إثارة بس..! ^^ #WakeelFacts

 

معلومة وكيلية 188: كل شئ ف الدنيا تقريباً ينفع تاخده ببساطة.. عود نفسك على كده بس عشان ترتاح من مشاكل صحية كتير بعدين #WakeelFacts

 

معلومة وكيلية 189: بقالي فترة مش بكتب الوكيليات بانتظام، وده مزعلني =.= #Wakeelfacts

 

معلومة وكيلية 190: لو رفضك لرفض أبواسماعيل الاعتصام ف التحرير مبرر كافي لرفع الجزمة ف وشه،فالبرادعي يستحق التف عليه لأنه منزلش! #WakeelFacts

 

معلومة وكيلية 191: مش حلو إن واحد يخالف قانون الإنتخابات خوفا من خسارة.. لو إنت بتشتغل كويس ولك برنامج كويس هتنجح هتنجح.. #WakeelFacts

 

معلومة وكيلية 193: مش معنى إن حزب معين إسلامي إن انتخابه واجب شرعي.. افرض فاشل؟ يبقى انتخابي ليه ذنب في حق نفسي وحق الناس.. ‎#WakeelFacts‏

 

معلومة وكيلية 192: المعلومة اللي فاتت المفروض إنها كانت 192 بس كتبت الرقم بالغلط.. سوري )) #WakeelFacts #Fail

 

معلومة وكيلية 194: الوكيل اشترى كوشت جديد النهارده :3 #WakeelFacts

 

حلو أوي كده النهارده ))

شكراً ^^

محمد الوكيل

A.M.Revolution

"وكيلـ"ـليكس #7 (من الجمعة 21 أكتوبر إلى الاثنين 7 نوفمبر)

عيدكم سعيد يا بشر! ربنا يديم عليكم الفرحة الجميلة دي ويمنحكم في كل أيامكم فرحة جديدة كل يوم

شوية وكيليات تظبط مزاجكم ع الصبح، اتفضلوا! ^^

 

 

 

الجمعة 21 أكتوبر (عن الرموز، كويسة ووحشة! ^^)

 

 

 

- معلومة وكيلية 129: بيان يسري فودة عن برنامج في أون تي في مش باين له راس من قفا.. مش فاهم حاجة فعلاً ^^" #Wakeelfacts #ONTVeg

- معلومة وكيلية 130: الضرب في "القذافي" الميت حرام..! ^^" #WakeelFacts

- معلومة وكيلية 131: كارلوس لطوف مش بيعبّر عن رأيه، بيعبر عن رأي التويترجية المصريين فقط غالباً ^^" #WakeelFacts @CarlosLatuff

- معلومة وكيلية 132: حتى يثبت العكس، الوكيل بيعتبر كارلوس لطّوف محب للشهرة أو للريتويتات أو للشير على الفيسبوك فقط ^^ #WakeelFacts

- معلومة وكيلية 133: حتى بعض الثوار نفسهم مش قادرين يتخلصوا من ثقافة تقديس بعض الرموز، كالبرادعي وكارلوس لطوف مثلاً! ^^ #WakeelFacts

 

 

 

 

 

السبت 22 أكتوبر (عن الرأي والرأي الآخر، وحاجة بتخنقني..!)

 

 

 

معلومة وكيلية 134: إحنا شعب لا يتقن فن الدفع بالتي هي أحسن. يا يعجبنا ما نتكلمش عنه يا نزعل من حاجة عملها نلعن سلسفين جدوده! #WakeelFacts

معلومة وكيلية 135: متسميش نفسك ديمقراطي ولا متحضر لو إنت فاهم إن من حقك تحجر على حق حد في اعتقاد ما يشاء..! #WakeelFacts

معلومة وكيلية 136: مش حرام والله لما تتكلم مع اللي مخالفك ف الرأي بذوق من غير تريقة وسخافة، بالعكس هيحبك والله #WakeelFacts

معلومة وكيلية 137: الوكيل بيكره الرسميات.. جداً! =.= #WakeelFacts

 

 

 

 

 

الاثنين 24 أكتوبر (عن اللي مضايقك، ومنهم أهل تويتر طبعاً! ^^)

 

 

 

معلومة وكيلية 138: الفَضَا وحش.. فعلاً! #WakeelFacts

معلومة وكيلية 139: حاول متفكرش كتير في اللي مضايقك لأنه هيفضل متبّت! #WakeelFacts

معلومة وكيلية 140: كقاعدة: خط البنت دايماً أحلى من خط الولد مهما حاولت ومهما حاول! #WakeelFacts

معلومة وكيلية 141: مش من حق حد في تويتر آخره يشتمك إلكترونياً إنه يمنعك من إنك تعترض على أي حاجة حتى لو الفئويات! ^^ #WakeelFacts

معلومة وكيلية 142: أي حد في تويتر يعملك بلوك عشان كلامك مش جاي على مزاجه اعرف إنه جبان أو واخد ف نفسه ألم.. بس #WakeelFacts

معلومة وكيلية 143: لما واحد ع تويتر يلعن ف أهل شيخ عشان قال كلمة مش عجباه وبعدين يسبح بحمده عشان كلمة عجبته يبقى منافق! ^^ #WakeelFacts

معلومة وكيلية 144: أحياناً بيبقى نفسي الإخوان والسلفيين يكسبوا بأغلبية في البرلمان عشان بس أشوف رد فعل التويترجية.. بس! #WakeelFacts

معلومة وكيلية 145: الشعب رضي بالديمقراطية والديمقراطيين مش راضيين بالشعب! ^^ #WakeelFacts

معلومة وكيلية 146: لأ بجد، عيد النظر شوية لو إنت شايف إن اختيارك لوحدك عشان شعب بحاله أصح من اختيار أي حد تاني ^^" #WakeelFacts

 

 

 

 

 

الأربعاء 26 أكتوبر (أي كلام ^^ )

 

 

 

معلومة وكيلية 147: "الحبّ في الأرض بعض من تخيلنا.. لو لم نجده عليها لاخترعناه".. نزار قباني قد يكون عبقرياً أحياناً! ^^ #WakeelFacts

معلومة وكيلية 148: الجائزة تستحق دائماً القتال لأجلها..! #WakeelFacts

 

 

 

الخميس 27 أكتوبر (عن الأفكار، وموبايل الوكيل )) )

 

 

 

معلومة وكيلية 149: الأفكار عمرها أطول من أجساد البشر الفانية.. لو عاوز تعيش للأبد, عيش بجسمك عشان فكرتك لحد ما يموت..! #wakeelfacts

معلومة وكيلية 150: مينفعش تقول "كفاية ذنوب" أو تتمنى إنك تبطل تغلط.. أمال هتستغفر إزاي وهتتعلم من أخطاءك إزاي؟!! #WakeelFacts

معلومة وكيلية 151: الوكيل قرر يسمّي موبايله الجديد -مؤقتاً- (شينكيرو) يعني السراب بالياباني #WakeelFacts #Tahyees

 

 

 

 

 

السبت 29 أكتوبر (منوعات، وكلمة عن أنواع الشكوى..! ^^ )

 

 

 

معلومة وكيلية 152: قبل ما تصنع بطل أو تهدم بطل، الله يخليك حاول تتأكد من معلوماتك.. لأنك لو معملتش تبقى كذاب ف نظر التاريخ! #WakeelFacts

معلومة وكيلية 153: للأسف، البهايم فعلاً بقت أغلى من البني آدمين النهارده.. مقولة حكيمة سمعتها..! #WakeelFacts

معلومة وكيلية 154: فيه معلومة معينة كل ما أعوز أكتبها أنسى.. حسبي الله ونعم الوكيل في ذاكرتي دي =.= #WakeelFacts

معلومة وكيلية 155: التفرقة الطائفية في مصر مش بتحصل من المتشددين بس، من اللي عمالين يتكلموا كل شوية عن إننا إيد واحدة! ^^" #WakeelFacts

معلومة وكيلية 156: لما إنت متأكد إننا "إيد واحدة".. بتعيدها كل شوية ليه؟ شاكك في إنها حقيقة مثلاً ولا فرحان بحنجرتك؟ #WakeelFacts

معلومة وكيلية 157: فيه فرق بين شكوة الواحد النِكَدي والواحد اللي عنده مشكلة فعلاً.. الأول زنان وفاضي، التاني العكس.. #WakeelFacts

 

 

 

الأحد 30 أكتوبر (عني.. مليش نفس يعني؟ )) )

 

 

 

معلومة وكيلية 158: مش محتاج أحلف لحد إني مش أهبل.. لأن ده شئ يخصني أنا، واللي عاوز يفهمني يناقشني ويتكلم معايا مش يحكم بسطحية! #WakeelFacts

معلومة وكيلية 159: معدتش هآخد على كلام أي حد بيزايد عليا على الفيس وتويتر وهو عامل فيها متنرفز.. مع نفسك يا حبيبي #WakeelFacts

 

 

 

الثلاثاء 1 نوفمبر (منوعات.. كله على كله يعني! ^^)

 

 

 

معلومة وكيلية 160: لحد دلوقت مش قادر أفهم بطلة فيلم كرتون "هركليز" هركليز كان بيحبها على إيه =.= #WakeelFacts #Hercules

معلومة وكيلية 161: خيري شلبي كان أديب رائع ولا شكّ.. ده اللي أقدر أسميه فعلاً" حكّاء" مش مجرد كاتب عادي! ^^ #WakeelFacts

معلومة وكيلية 162: القدرة على الكتابة بمزاج عالي بعد الصحيان من النوم مباشرة، بعتبرها قدرة خارقة! #WakeelFacts

معلومة وكيلية 163: أغلب "الأخبار العاجلة" مفيهاش أي وجه للعجلة بالمرّة.. فعلاً ^^" #WakeelFacts

 

 

 

الأربعاء 2 نوفمبر (مواهب وهوايات )) )

 

 

 

معلومة وكيلية 164: موسيقى الميتال فنّ مش كل الناس بتفهمه زي الفن التشكيلي كده.. بلاش تتريأ عليه لحد ما تفهم #WakeelFacts

معلومة وكيلية 165: لاحظت إن "شركاء التدخين" اللي بيولعوا لبعض ويدوا لبعض سجاير بيبقوا لسبب ما أحسن صحاب بعد كده ) #WakeelFacts

معلومة وكيلية 166: الجيتار الإلكتريك (الكهربي يعني!) من أعظم اختراعات القرن على الإطلاق! ))) #WakeelFacts #Metal #Guitar

 

 

 

الجمعة 4 نوفمبر (مش الشيخ عقدة المرة دي.. اطمن! )) )

 

 

 

معلومة وكيلية 167: مع احترامي، مينفعش أنتخب واحد/ة في البرلمان معرفش شكلهم حتى عامل إزاي!!! بس كده ^^ #WakeelFacts #Egypt

معلومة وكيلية 168: عاوز أبعد عن الكمبيوتر بس لازق له زي مبارك لما كان لازق في الكرسي.. أعمل إيه؟ =.= #WakeelFacts

 

 

 

السبت 5 نوفمبر (العيد فرحة، ماااااء! )) )

 

 

 

معلومة وكيلية 169: أعسل حاجة ف العيد مش العيديات ولا لبس العيد ولا العيال الرخمة.. الخرفان المسكينة! #WakeelFacts #HappyEid

معلومة وكيلية 170: العيد هو الكائن الوحيد القادر على إنه يخلي أصحاب اللسان الزفر والمكتئبين يتكلموا حلو ويقولوا كلام جميل! )) #WakeelFacts

معلومة وكيلية 171: لو كان اللي بيكتبه خالد منتصر رائع بأي حال فأنا أستحق جائزة نوبل للآداب =.= #wakeelfacts

معلومة وكيلية 172: بخاف اهتمامي بغيري يتفهم على إنه نوع من الحِِشَريّة.. =.= #WakeelFacts

 

 

 

الاثنين 7 نوفمبر (كلام هيغيظك غالباً! ^^)

 

 

 

معلومة وكيلية 173: كتير من اللي بيتهموا غيرهم بالتهمة الهلامية "احتكار الحقيقة" بيحتكروا الحقيقة هما نفسهم بقولهم ده! #WakeelFacts

معلومة وكيلية 174: ثوار مصر، اتكسفوا على دمكم الله يكرمكم وكفاية هيافة.. هو مفيش حد منكم جزمته اتسرقت قبل كده ولا حاجة؟ #WakeelFacts

معلومة وكيلية 175: أغلب الجمل الساخرة اللي بتطلع ف تويتر على أي موقف اسطمبات من مواقف قديمة.. أي والله =.= #WakeelFacts

معلومة وكيلية 176: التفكير يجلب الصداع =.= #WakeelFacts

معلومة وكيلية 177: احترامي ومحبتي لأهل دين غير ديني مش معناه أتميع وأفقد ديني أنا عشان مبقاش مثير للفتنة..! #WakeelFacts

معلومة وكيلية 178: فرق بين اللي بيكتب/بيرسم عشان قضية هو مؤمن بيها من قلبه وعاوزها تنتشر، وبين اللي بيعمل كده عشان الريتويت..! #WakeelFacts

 

 

 

كتير المرة دي بس استحملوني معلش

 

 

 

سلام ^^

 

 

محمد الوكيل

A.M.Revolution

"وكيلـ"ـليكس #6 (من الثلاثاء 11 أكتوبر إلى الخميس 20 أكتوبر)

 

 

شوية وكيليات جديدة.. نهاركم أبيض إن شاء الله ^^

 

 

 

الثلاثاء 11 أكتوبر (عن البني آدمين.. وكذبة صغيرة في النص..!)

 

 

 

- معلومة وكيلية 99: بتبقى سخيفة جداً لما تكون بتكتب ومنفعل ومستغرق في الكتابة وواحد عبقري ياخد منك الورق يقراه رخامة كده =.= #WakeelFacts

- معلومة وكيلية 100: فخور بإني أنا، بحلوي ووحشي وشكلي وقلبي، بكل حاجة فيا.. وسعيد إن ربنا رآني مستحق لنعمة الحياة.. #WakeelFacts

- معلومة وكيلية 101: الشخص الحزين أو المكتئب بتقدر تحس بيه من بعيد وبمنتهى السهولة أحياناً.. متفهمش إزاي..! #WakeelFacts

 

 

 

الأربعاء 12 أكتوبر (ملهمش دعوة ببعض ^^)

 

 

 

- معلومة وكيلية 102: الصور اللطيفة اللي البنات بتحطها على الفيس بوك دي، بتبقى هتموت وتعرف بيجيبوها منين، فعلاً! #WakeelFacts

- معلومة وكيلية 103: مش عيب خالص يعني لما تقول إن دينك أو طائفتك كذا، العيب إنك تتقنزح على خلق الله وتذل أهاليهم بكده #WakeelFacts

 

 

 

الخميس 13 أكتوبر (عن المزاج..!)

 

 

 

- معلومة وكيلية 104: الوكيل في حالة مزاجية غريبة اليومين دول وقرفان حبتين ونفسه يخرج من الحالة دي =.= #WakeelFacts

- معلومة وكيلية 105: القعدة مع كتاب لطيف وشوية موسيقى لا بأس بهم، بالدنيا كلها! ^^ #WakeelFacts

- معلومة وكيلية 106: العِند والسير ضد التيار له متعة خاصة جداً.. بس مش بالضرورة صح في كل الحالات، ومش بالضرورة غلط برضه! ^^ #WakeelFacts

 

 

 

الجمعة 14 أكتوبر (عن الشيخ "عقدة" الطبيب الفيلسوف والقلش الدَعَوي =.= )

 

 

 

معلومة وكيلية 107: اكتشفت إن الشيخ عُقدة بيفهم في الطب كمان، مش معترف بحاجة اسمها الموت الدماغي! ^^ #WakeelFacts

معلومة وكيلية 108: الشيخ عقدة بعد ما سألته اكتشفت إنه مش مؤمن بأي اكتشاف علمي إلا لما يشوفه بنفسه! ^^" #WakeelFacts

معلومة وكيلية 109: الشيخ عقدة مؤمن بالله وعنده أدلة -وأنا مش معترض-، ومش مؤمن بأي اكتشاف علمي لمجرد إنه مش شايف ده بعينه! ^^ #WakeelFacts

معلومة وكيلية 110: فيه ناس على الفيسبوك عندها مزاج غريب تعمل حاجة اسمها "القلش الدَعَوي" =.= #WakeelFacts

معلومة وكيلية 111: "القلش الدعوي" إن واحد يقول جملة ما وبعدين فجأة تلاقيه قلبها وعظ! اعتراضي ع الأسلوب مش ع الدعوة بالمناسبة ^^ #WakeelFacts

معلومة وكيلية 112: سوف لن أنحني، سوف لن أتحطّم! سوف أطيح بالعالم كله! سوف لن أسقط، سوف لن أختفي.. لسوف أخطف أنفاسكم..!! #WakeelFacts

 

 

 

السبت 15 أكتوبر (عن الطب والثقافة و"من زُحْزِحَ عن النار وأُدْخِلَ الجنة"..)

 

 

 

- معلومة وكيلية 113: "فمن زُحزِحَ عن النار وأُدخِل الجنّة فقد فاز".. وسبحانه وتعالى ربنا هو اللي هيُدخله، مش أنا ولا إنت..!! #WakeelFacts

- معلومة وكيلية 114: قراءة كتاب معقّد مش بتفهمه مش هتخليّك مثقف.. فهمك كويس للي تقدر تقراه هي اللي بتخليك كده! ^^ #WakeelFacts

- معلومة وكيلية 115: أغلب الناس ميعرفوش -أو بيطنشوا بمزاجهم- إن يوسف إدريس كان دكتور! #WakeelFacts #Literature

- معلومة وكيلية 116: الطب مش بيأكّل عيش كما هو واضح، والدليل على كده كل الأدباء اللي سابوا الطب عشان يكتبوا! #WakeelFacts

- معلومة وكيلية 117: فيه ناس محرّمة على نفسها تقول الحق في أي حاجة لحسن يبطلوا يبانوا إنهم أبطال وشجعان ولو قدام نفسهم! ^^ #WakeelFacts

 

 

 

الأحد 16 أكتوبر (عن المزايدات والمايكات ^^)

 

 

 

- معلومة وكيلية 118: الوكيل بيقول بصراحة: هو بيكره مزايدات النشطاء والمثقفين، بجميع أنواعهم وبجميع أنواعها!! #WakeelFacts

- معلومة وكيلية 119: ممتع أوي لما تتكلم في المايك وتسمع صوتك ضخم أوي كده.. ))) #WakeelFacts

الثلاثاء 18 أكتوبر (عن الإسرائيلي الأسير، وع البساطة البساطة! ^^)

 

 

 

- معلومة وكيلية 120: مش مصدق إن فيه حد ممكن يسمي ابنه "جلعاد" أو "شاليط" =.= #WakeelFacts #GiladShaleet

- معلومة وكيلية 121: البساطة والتلقائية ليهم متعة وسعادة خاصة جداً.. مبقاش كاذب لو قلت إنهم سر السعادة نفسها! ^^ #WakeelFacts

- معلومة وكيلية 122: أحياناً بتحتاج إنك متعملش حاجة في الدنيا غير إنك تبطّل تفكير.. وتقدر تعملها فعلاً بس لو أردت ذلك ^^ #WakeelFacts

 

 

 

الأربعاء 19 أكتوبر (عن لوركا والأصنام.. حد فاهم حاجة؟ ^^")

 

 

 

- معلومة وكيلية 123: الأصنام عند كفار قريش كانت ثوابت مقدسة، بس كانت غلط جداً حتى وهي ثوابت وحتى وهي محاوطة الكعبة.. حد فاهم؟ ^^ #WakeelFacts

- معلومة وكيلية 124: المشكلة في شعر لوركا إنه أحياناً بيحتاج واحد عبقري عشان يقدر يفهم رمزياته ^^" #WakeelFacts

 

 

 

الخميس 20 أكتوبر (عن الفطرة والمشاعر وعن واحد كلب مات النهارده..!)

 

 

 

- معلومة وكيلية 125: فرق بين بين "فطرة الله" و"الهوى".. الأولى هي الخير والحق بعينه، التانية من الشيطان.. #WakeelFacts

- معلومة وكيلية 126: القذافي الكلب اتقتل أخيراً، ولكل ظالم عبرة في جيفة الكلب ده.. "المعلومة دي للذكرى الخالدة..!" #WakeelFacts #Gaddafi

- معلومة وكيلية 127: بكره العيانين الكذابين.. لأنهم هيخلوني كطالب طب غلبان آخد منهم الحالة غلط وممكن أنقص درجات =.= #WakeelFacts

- معلومة وكيلية 128: بطريقة أو بأخرى تقدر تحسّ بالمشاعر السلبية اللي في جوّ مكان ما، بس مش بتاخد بالك..! ^^ #WakeelFacts

 

 

 

بس كده ^^ جمعتكم حلوة إن شاء الله ^^

 

 

محمد الوكيل

A.M.Revolution

"وكيلـ"ـليكس #4 (من السبت 1 أكتوبر إلى الأربعاء 5 أكتوبر)

 

 

السبت 1 أكتوبر (منوعات! ^^)

 

 

- معلومة وكيلية 51: الأندرويد في خلال سنة بالكتير هيكون حاجة أسطورية تغير مجرى التاريخ، بس المهم الشغل بضمير )) #WakeelFacts #Android

- معلومة وكيلية 52: التنمية البشرية علم لطيف بس يُعتبر قشور لموضوع أكبر وأعمق بكتير جداً.. #WakeelFacts #SelfHelp

- معلومة وكيلية 53: بعض "أدبيات الزواج" المنتشرة ع صفحات الفيس بتبقى ساذجة وسخيفة جداً لدرجة إنها تكرهك ف الجواز فعلاً! #WakeelFacts

- معلومة وكيلية 54: الي بيكتب أدبيات عن الزواج كتير خياله خِصب أوي فعلاً وأشك إنه يشوف السعادة دي كلها ف الجواز إلا ف الجنة )
#WakeelFacts

- معلومة وكيلية 55: التخوين طريقة السذج أو الضعفاء أو الحنجوريين.. بس، ومفيش استثناء #WakeelFacts

 

 

الأحد 2 أكتوبر (عن الجامعات والأفلام الداعرة! ^^" )

 

 

 

- معلومة وكيلية 56: المفروض الجامعات تفكر جدياً في اعتبار اليوم الأول من الدراسة "عرض أزياء" ف البراح )) #WakeelFacts #ItsMedicalStudentLIfe

- معلومة وكيلية 57: بأكره الحيرة السخيفة في أول يوم دراسة في الجامعة، وموجودة دايماً حتى لو دي رابع سنة لك ف الكلية #WakeelFacts

- معلومة وكيلية 58: فيلم "احكي يا شهرزاد" (الأسطوري) فيلم داعر، مهما أي حد حاول يصوره لي إنه "إبداع".. قضية حقيقية وعرض دنئ! #WakeelFacts

- معلومة وكيلية 59: ناس كتير بتعتبرني أهبل وبتزعل مني عشان بتفائل كتير.. معلش، خليكم متشائمين وضيعوا صحتكم في كده أنا مالي؟ #WakeelFacts

 

 

 

الاثنين 3 أكتوبر (عنّي وعنّك..! ^^)

 

- معلومة وكيلية 60: الوكيل زي العسل.. ودا مش كلامي والله دا كلام واحد صاحبي اسمه زيدان #WakeelFacts

- معلومة وكيلية 61: بلاش تركز على غلطات الناس لأنهم مش ملايكة -وإنت كمان!- وبلاش تتلكك لحد، فكلك عيوب وللناس ألسن #WakeelFacts

- معلومة وكيلية 62: مش معنى إنك مش حاسس إن الحياة عادلة معاك إنها مش عادلة.. بس ربنا له طريقته في العدالة، فمتقلقش ^^ #WakeelFacts

 

 

الثلاثاء 4 أكتوبر (بتبقى رخمة أوي لما..!)

 

- معلومة وكيلية 63: جلال عامر جامد بغباء! ^^ #WakeelFacts

- معلومة وكيلية 64: بتبقى رخمة أوي لما تيجي تدخل بروفايل واحد صاحبك ع الفيس تسلم عليه تلاقيه شالك من الفريندز =.= #WakeelFacts

- معلومة وكيلية 65: بتبقى رخمة أوي لما تبص لنفسك تلاقيك بعد ما كنت مزأطط طول اليوم بقيت حزين فجأة =.= #WakeelFacts

- معلومة وكيلية 66: بتبقى أرخم بكتير لما تكتب لحد على الوول بتاعه أو تعمل له منشن في تويتر وميعبركش.. بتبقى عاوز تضربه بالجزمة! #WakeelFacts

 

 

الأربعاء 5 أكتوبر (#ItsMedicalStudentlife !)

 

- معلومة وكيلية 67: الوكيل هو أول من أخترع الهاشتاج المسمى (إنها حياة طالب الطب) من سنة وشهر بالضبط! ^^ #WakeelFacts #ItsMedicalStudentLife

 

 

كفاية كده النهارده، إيه؟ هنطمع؟ )))

 

شكراً…

 

 

محمد الوكيل

A.M.Revolution

"وكيلـ"ـليكس #2 (السبت 24 سبتمبر – الأحد 25 سبتمبر – الاتنين 26 سبتمبر)

مزيد من "الوكيليات" من تويتري الخاص.. لا أكثر ولا أقل، وأكرر: هي لفائدتكم/ضرركم/تضييع وقتكم/إضحاككم/تسليتكم/ما ترونه مناسباً ))

 

 

السبت 24 سبتمبر (عن الحب والقلوب وأبو مازن والأصول):

 

- معلومة وكيلية 22: استعجالك على الحب واعتبارك ليه حاجة كده زي استعجالك ع العيادة أو الشركة مش هيجيبه لك.. بييجي لوحده دايماً! #WakeelFacts

- معلومة وكيلية 23: "من لقى أحبابه نسى أصحابه"، نظرية/مثل شعبي حكيم جداً يثبت صدقه الرهيب بلا توقف! #WakeelFacts

- معلومة وكيلية 24: حل الدولتين والسلام ما داموا مقدمين من محمود عباس فهما سلام بطعم الهزيمة/التخاذل.. باختصار! ^^ #WakeelFacts

- معلومة وكيلية 25: أغلب الأفعال التي يطلق عليها "أصول" كلام فارغ والتخلي عنه لا يعني بالضرورة قلة الذوق أو الانحراف! ^^ #WakeelFacts

- معلومة وكيلية 26: بتبقى رخمة جداً لما تبقى بتحب/معجب بحد وتكتشف إنه مش مهتم بنفس القدر لمجرد إنك مش "التيب" بتاعه =.= #WakeelFacts

- معلومة وكيلية 27: القلوب ليها رب وهو وحده اللي عالِم بيها.. ويكون رائع لو إنك بتحب كل شئ عشان إنت بتحب اللي اداك القلب ده #WakeelFacts

 

 

الأحد 25 سبتمبر (عن تويتر والأسماء والرعب!):

 

- معلومة وكيلية 28: البلوك في تويتر نوع من أنواع الديكتاتورية ومصادرة الرأي اللي التويترجية نفسهم بيكرهوهم زي العمى! ^^ #WakeelFacts

- معلومة وكيلية 29: أغبى حاجة في أي كلية عملية لما تيجي تسأل واحد اسمه "أحمد" هو في سكشن كام #WakeelFacts

- معلومة وكيلية 30: أغلب أسماء البنات -إلا من رحم ربي- ملهاش معنى أو معانيها غريبة وتلاقي أهاليهم نفسهم ميعرفوش المعاني! ) #WakeelFacts

- معلومة وكيلية 31: فيلم الرعب الأهطل اللي بيحاول يخوفك بكام صرخة وكام وش بلاستيك على شوية دم وضحكات شريرة فيلم أهبل علطول كده #WakeelFacts

 

 

الاثنين 26 سبتمبر (عن التركيز والأغاني والصراحة والكراهية!):

 

- معلومة وكيلية 32: المثقفين من الشعب -لا إرادياً- بيتعاملوا مع باقي الشعب على إنه هفأت أو قطيع من الأغنام.. للأسف! #WakeelFacts

- معلومة وكيلية 33: تركيزك على حاجة بتكرهها وانفعالك الشديد ضدها بدعوى إنك عاوز تمحيها مش هيمحيها، هيزودها..!! #WakeelFacts

- معلومة وكيلية 34: بعض الأغاني -وبقول بعض، هاه؟- بتعلي حالتك الروحانية بشكل غريب.. بس الإكثار خاطئ أحياناً! ^^ #WakeelFacts

- معلومة وكيلية 35: الصراحة دايماً وأبداً مفيش أحسن منها.. الصراحة بتجرح أحياناً بس أريح.. الصراحة هي الطريق المستقيم دايماً.. #WakeelFacts

 

 

بس كده.. حتى الآن على الأقل! )) مساؤكم لطيف :3

 

 

شكراً..

 

محمد الوكيل

A.M.Revolution

"وكيلـ"ـليكس #1 (الخميس 22 سبتمبر – الجمعة 23 سبتمبر)

 

مجموعة "وكيليات" أو كما اصطلح على تسميتها باسم "وكيليكس" من تويتري الخاص، لفائدتكم/ضرركم/تضييع وقتكم/إضحاككم/تسليتكم/ما ترونه مناسباً )))

 

 

الخميس 22 سبتمبر (عن العبد لله.. لأن العبد لله يستحق الحديث عنه برضه ) ):

 

 

- معلومة وكيلية 1: مش بحب اللي بيتفلسفوا كتير واللي عاملين نفسهم فاهمين واللي بيتشائموا كعادة صباحية محببة.. وأقصد التويترجية طبعاً! ^^

- معلومة وكيلية 2: مش بحب اللي عاوز ينصحني بالعافية ويسمّع الكلام كل شوية.. انا مش أهبل بالمناسبة ومش إنت الوحيد اللي دارس دين #WakeelFacts

- معلومة وكيلية 3: مش بمشي حسب ما حد بيقولي إلا لو اللي بيقوله مش مخالف لمبادئي أو لشرع أو لضميري نفسه.. #WakeelFacts

- معلومة وكيلية 4: موسيقى وأغاني الميتال عموماً شايفها حاجة رائعة.. مفيهاش سفالة وفي نفس الوقت معبرة وبتناقش قضايا إنسانية ^^ #WakeelFacts

- معلومة وكيلية 5: الوكيل في مزاج مش ولا بد حبتين النهارده.. يرجى التفادي ^^ #WakeelFacts

- معلومة وكيلية 6: مش بحب التقديس مش عشان فلان أياً كان الفلان قال حاجة يبقى كلامه مينفعش يتقال له.. ماشي؟ #WakeelFacts

- معلومة وكيلية 7: في العادة أقدر أتقبل أي كلام وأي حاجة تتقال، بس أحياناً هتضطر إنك تختار مواضيعك وأوقاتك معايا.. آه تخيل! ^^ #WakeelFacts

- معلومة وكيلية 8: كلمة "عسكر" دي كلمة خنيقة، مش عشان حاجة بس هي فذلكة ملهاش أي داعي.. اسمهم جيش أو عساكر.. بلاش سخافة والنبي ^^" #WakeelFacts

- معلومة وكيلية 9: تويتر حلو بس الناس اللي عليه مش حلوة، الفيس حلو والناس اللي عليه حلو، تمبلر حلو بس معرفش الناس اللي عليه #WakeelFacts

- معلومة وكيلية 10: الوكيل -للأسف- مؤدب وبيحاول ما يشتمش..! =.= #WakeelFacts

- معلومة وكيلية 11: بجد، الفيس بوك محتاج ياخد رأي المستخدمين قبل أي تعديل كبير بيعمله..! #WakeelFacts #Facebook

 

 

الجمعة 23 سبتمبر (عن يوم الجمعة الصبح والشيخ عقدة وجماعة الشيطانيين وأشياء أخرى) :

 

- معلومة وكيلية 12: النسكافيه والطعمية مش بيبقوا حلوين إلا لو سخنين، بعد كده إنسى #WakeelFacts

- معلومة وكيلية 13: الأحلام اللي بتشوفها وإنت في مرحلة ما بين النوم واليقظة بتبان حقيقية جداً بشكل مرعب! #WakeelFacts

- معلومة وكيلية 14: "شيخ الجامع اللي جنبنا" اسمه عبد المغني.. بس من سنين وأنا مسميه "الشيخ عقدة" وهتفهم ليه في الوكيليات الجاية! #WakeelFacts

- معلومة وكيلية 15: "الشيخ عقدة" راجل كِشِر لم يُشاهد ضاحكاً أبداً، ملازم للجامع لا يخرج تقريباً غليظ الصوت يكرهك في الأدان =.= #WakeelFacts

- معلومة وكيلية 16: "الشيخ عقدة" يعتقد إعتقاداً جازماً إن "جماعة الشيطانيين" تحكم العالم وأن نيوتن وجاليليو وكوبرنيكوس نصابين! #WakeelFacts

- معلومة وكيلية 17: "الشيخ عقدة" لا يتقن الحديث عن أي شئ في الواقع سوى نظرية المؤامرة لأن الكلام دايماً بيوديه عليها ف الآخر! #WakeelFacts

- معلومة وكيلية 18: "الشيخ عقدة" معقد فعلاً.. عنده حس خارق من الكراهية والرفض ومحاربة العالم، عكس المفترض في أي شيخ أصلاً! #WakeelFacts

- معلومة وكيلية 19: "الشيخ عقدة" بالمناسبة مكروه جداً في منطقته، مش مقتنع إن المتدين مش عيب لما يبتسم ويتبسط مع الناس..! #WakeelFacts

- معلومة وكيلية 20: اكتشفت إن "الشيخ عقدة" بيفرض نفسه بالعافية على الخطابة والإمامة في الجامع اللي جنبنا! غصب واقتدار كده!! #WakeelFacts

- معلومة وكيلية 21: "الشيخ عقدة" نموذج للشخص اللي مينفعش يكونه أي شيخ أو متدين مسلم، أبداً..! وكفى..! #WakeelFacts

 

شكراً ))

 

 

محمد الوكيل

A.M.Revolution