قراءاتي الفترة الماضية وحالياً وفيما بعد (إن شاء الله)

سلام عليكم يا جماعة ^^

معلومة يمكن مش ناس كتير تعرفها، وهي إن العبد لله دودة كتب! (آه تخيل!) كنت زمان فعلاً قارئ نهم باكل الكتب أكل بطريقة أنا نفسي كنت مستغربها! لكن للأسف القراءة والهوايات التانية اللي جدت (زي برمجة الألعاب سابقاً والأنمي والمانجا وترجمتهم حالياً) غطت على الجانب ده لفترة لا بأس بها..

لكن والحمد لله من فترة قريبة رجعت أقرأ وإن كان بمعدل قليل عن زمان بسبب الدراسة طبعاً! وآدي قائمة ببعض اللي قرأته واللي بقرؤه واللي هقرؤه بمشيئة الله:

الفترة الماضية:

– شفرة دافينشي (دان براون) ترجمة الدار العربية للعلوم: رواية فوق الممتازة فعلاً من حيث القصة والأحداث والدراما، لكن للأسف داخلة بشدة في موضوع الأديان..والرواية فعلاً تستحق الجدل اللي أثير عليها..

– الأرملة تكتب الخطابات سراً (طارق إمام) دار العين للنشر: متوسطة..معجبتنيش أوي في الواقع خصوصاً وإنها مغلفة بالغموض في نقط كثيرة وفيها تلميحات إباحية كثيرة من غير داعي بالمرة..

-آخر الدنيا (مجموعة قصصية ليوسف إدريس) مكتبة مصر: رائعة بلا جدال! أول قراءاتي ليوسف ادريس بصراحة وفعلاً بداية مشجعة إني أتابع بقية أعماله! نزلت مجموعة أعماله الكاملة ومنتظر فرصة مناسبة لقراءتها..

-مجموعة قصص قصيرة لفرانتز كافكا: غيرت نظرتي للأديب الرائع ده تماماً..فعلأً راجل مدهش وكتاباته ينبوع ينهل منه أي أديب يطمح للتميز..

-ذكريات (جابرييل جارسيا ماركيز) مش فاكر اسم الدار! : رواية جيدة جداً، وإن كانت عامرة بالإباحية اللي مش بحبها في أي عمل أدبي، إلا إن الرواية عامة فعلاً ممتازة من حيث الأسلوب القصصي وحاجات تانية كتير..

-أعمال مانجا متنوعة: من ضمنها بليتش Bleach وسايرن Psyren ودي جراي مان D.Gray-man والخادم الأسود Kuroshitsuji والعامل أحادي اللون Monochrome Factor وباكومان Bakuman.. نصيحة للي مقرأش الأعمال دي يحاول، بجد..

 

حالياً:

-الذين هبطوا من السماء (أنيس منصور) دار الشروق: لحد الآن الكتاب ممتع..لكن لو نظرت له كخيال! لكن لو نظرت له كحقائق هو سخيف جداً بصراحة خاصة وإن المعلومات فيه غير منظمة لسبب ما..

-أعمال المانجا المستمرة وهي ما سلف ذكره..

 

الفترة القادمة:

أعمال كافكا الكاملة

-أعمال يوسف ادريس الكاملة

-رواية بريطانية بعنوان (البصر The Sight)

-أعمال لديستوفسكي..

 

That`s All لحد الآن..وبالتوفيق للكل إن شاء الله :)

شكراً..

Advertisements

One thought on “قراءاتي الفترة الماضية وحالياً وفيما بعد (إن شاء الله)

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s