انتصار كبير للعبد لله! جائزة أفضل مقال في معرض سنتر الميرج!

السلام عليكم شباب ورحمة الله وبركاته!

النهارده كان حفل توزيع جوائز معرض الميرج الفني اللي كان مقام في سنتر البحر الأسبوع الماضي، وكنت مشارك فيه ببعض من صفحات كتاب الظلال..كان المعرض فعلاً ممتاز جداً وكانت مقدمة فيه مجموعة من أروع الأعمال الفنية والأدبية بجد..  Pvt011

وبفضل الله والحمد لله كسبت جائزة أفضل مقال في المعرض عن مجموعة مقالات (كتاب الظلال)! "يا معلم يا معلم يا معلم يا معلم!!" هكذا يقول لسان حال العبد لله :D

المهم: على الشمال صورة ليا مع الفائزين في المعرض والمشتركين ومع الدكاترة محمد النجار وإيهاب رضوان ومحمد جمال اللي تفضلوا بتسليمنا الجوائز..

معانا في الصورة هنا كمان إسلام زايد صاحب جائزة أفضل قصة ومحمد زكريا صاحب جائزة أفضل لوحة (رسوماته فعلاً أكثر من رائعة) وعمر العميري صديق العمر العزيز وأحمد رجب الزميل العزيز..

14042009647

ودي صورة لي بعد تسلم الجائزة مع الدكتور محمد النجار والدكتور إيهاب وعمر العميري اللي أصر يكون مع العبد لله في الصورة :D يالا مفيش مشكلة منورنا يا عم عمر :)

والجايزة في إيدي زي ما هو واضح! وهتشوفوا صورتها حالاً!

 

 

 

وكان بصراحة حفل لذيذ جداً، رغم إنه المفروض كان يبدأ الساعة 2 لكن اتأخر ساعة بحالها بسبب تأخر الدكاترة (!) وفضلت ملطوع في السنتر لحد ما وصلوا XDD

لكن كل ما أشوف الهدية الرائعة بنسى كل حاجة! وآدي الهدية:

14042009(001)

 

لوحة رائعة وفخمة جداً عليها الاسم الأعظم، اسم الله سبحانه وتعالى..فعلاً أروع هدية ممكن أتلقاها في مناسبة زي دي!

ما زلت حتى الآن محتار في مكان مناسب أعلق فيه اللوحة..

وبصراحة يا جماعة الحفل رغم إنه كان بسيط وصغير، لكن مجرد إني تلقيت فيه جائزة أفضل مقال ده بالنسبة لي شئ رائع..دا أول اعتراف حقيقي وفعلي وعلني بالعبد لله وبأعماله وموهبته..يعني باختصار أخيراً خليت أمنياتي فوق سماء الكل!! My Wishes Over Their Airspace!

 

بجد النهارده يوم رائع فعلاً ولله الحمد رب العالمين..الحمد لله، وشكراً جزيلاً لكل صديق وأخ عزيز وقف جنبي ودعمني بكل قوته..بجد شكراً لكم جميعاً يا بشر :)

 

شكراً..

Advertisements

3 thoughts on “انتصار كبير للعبد لله! جائزة أفضل مقال في معرض سنتر الميرج!

  1. لا الياباني ده بتاعي أنا xDألف ألف مبروك يا وكيل و عقبال جوايز أكتر و أكترانا قلت كتاب الظلال ده جامد من يومهو الله أنا فرحتلك يا عم كإني انا اللي خدت الجائزةمبروك و كويس إنك كتبت في المدونة علشان نعرف تفاصيل أكتر… Read moreربنا معاك يا وكيلو زي ما قلتيا معلم يا معلم يا معلم يا معللللللللم:) :) :) :)

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s