رائع: طريقة مميزة وسهلة لإرسال الصور من برنامج Nokia Lifeblog لمدونات بلوجر!

السلام عليكم ^^

النهارده لقيت طريقة "كفاءة" لإرسال الصور من برنامج Nokia Lifeblog اللي على موبايلات نوكيا nseries فما فوق، لمدونات بلوجر Blogger، ولأن بلوجر الأكثر شعبية وسط مدونين العالم العربي فالطريقة دي هتكون مفيدة للمدونين اللي بيحبوا التصوير وكتابة تدوينات عن صورهم..

لكن الأول لتنفيذ الطريقة دي لازم يكون عندك حساب على موقع فليكر Flickr للصور، وهو بالمناسبة تابع لياهوو، وعشان كده مش هيكون صعب تعمل عليه أكاونت، مجرد إنك تدخل على فليكر باسم إيميلك على الياهوو والباسوورد وتفتح الأكاونت فيه وخلاص..

 

بعد كده في فليكر هتدخل على اللينك ده وفي أول الصفحة هتلاقي لينك تحت جملة How do I post photos to my blog? اسمه (do that here)

هتدخل اللينك ومنه تختار إضافة مدونة، وفي الصفحة التالية تختار نوع مدونتك (غالباً بلوجر) وبعدين تدخل بيانات المدونة بتاعتك، ولو عندك كذا مدونة في بلوجر اختار المطلوبة منهم..وبعد ما تختارها هتدخل صفحة تأكيد للينك المدونة وعنوانها..هتختار منها all done، وبكده أي صورة هترفعها على فليكر هتروح لمدونتك تلقائياً..

 

بعد كده على موبايلك النوكيا nseries هتفتح برنامج Lifeblog (غالباً بتلاقيه في الجاليري) وبعدين تفتح options ومنها settings.. من settings هتختار new account وتكتب الآتي:

account name : الاسم اللي إنت عاوزه للأكاونت..اختار أي حاجة تناسبك عادي.

username: هتكتب اليوزر نيم اللي مكتوب لك في اللينك ده جنب خانة username زي ما هو.

password: هتكتب فيها الباسوورد اللي مكتوبة في نفس الصفحة بالحرف الواحد، ودي مختلفة عن باسوورد فليكر!

server address: هتكتب العنوان ده: http://www.flickr.com/services/atom2blog/ لو عاوز الصور تتبعت على فليكر وعلى مدونتك في نفس الوقت، وهو ده المطلوب هنا.

internet access point: تختار نقطة الوصول للانترنت على موبايلك..لو إنت مشغل خدمة النت في موبايلك هتلاقي عندك كذا نقطة وصول اختار الافتراضية وخلاص..

optimize images: بيصغر لك الصورة قبل ما تتبعت عشان متاخدش وقت في الرفع..

 

متابع معايا لحد كده؟ ^^

بعد كده هترجع للشاشة الرئيسية بتاع Lifeblog وتختار الصورة اللي عاوز تبعتها من الموبايل (بتبقا مترتبة حسب الترتيب الزمني لالتقاط الصور أو تنزيلها على الموبايل) وتعمل options ومنها post to web..

هيديلك شاشة فيها خيارات تعديل عنوان التدوينة والنص المكتوب مع الصورة..ابدع هنا براحتك بقا ^^ بس خد بالك عشان الصور الكبيرة بتاخد وقت في رفعها وممكن تتكلف أكترمن رصيدك لو كبيرة أوي..

– بعد ما تخلص هتختار Options ومنها Send..انتظر بعض الوقت لحد ما الصورة تتبعت..بس كده! هتلاقي الصورة عندك في المدونة وفي فليكر!! وآدي مثال لتجربة شخصية أنا عملتها:

(طبعاً لغيت التدوينة الأصلية لأن المدونة دي لنشر ترجمات المانجا بتاعت العبد لله ^^)

بس كده! أتمنى يكون الشرح واضح وسهل بإذن الله :)

ملحوظة: الشرح منقول بتصرف من المدونة دي والحمد لله إني تمكنت من الوصول لها وتوصيل الفكرة لكم..

ملحوظة 2: أعتذر إن كان الشرح غير واضح في بعض النقط ^^" فقط أفتقد ملكة الشرح ليس إلا..

ملحوظة 3: ممكن تدخل على ويكيبيديا Wikipedia وهتلاقي عليه طرق تانية لإرسال الصور والتدوينات من الموبايل لمواقع تدوين متعددة من خلال Lifeblog ^^

 

وبالتوفيق إن شاء الله :)

 

شكراً..

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s