ظل النجاح..!

بسم الله الرحمن الرحيم

manwithwinningtrophy

إحم.. إنه في يوم 18 من يوليو 2010 الساعة الخامسة والنصف عصراً، اكتشف محمد الوكيل –اللي هو أنا يعني- إنه نجح أخيراً!!!

آه والله العظيم! تخيلوا! أنا نفسي ما زلت لحد الآن مش مصدق، بجد..! كانت سنة طويلة جداً لكن الحمد لله انتهت على خير جداً..

وإن كان الفضل لحد فهو لله العظيم أولاً وأخيراً وقبل كل شئ وكل أحد، بفضله سبحانه وتعالى كنت على شفا حفرة من الفشل مجدداً فأنقذني منها بفضله ونعمته وكرمه، فالحمد لله رب العالمين..

وجوايا مشاعر عرفان بلا حدود لمجموعة كبيرة من الأشخاص.. أشخاص غاليين عليا جداً بجد، أصدقاء عمر وزملاء ورفاق درب وإخوان أغلى عندي من الذهب.. وأتمنى إن كلماتي تكفي لأني أشكر:

 

– أمي الطيبة، ربنا يخليها لي ويديم عليها نعمة الصحة والعافية، ببركة دعاها عديت الحمد لله :)

– رفاق الكفاح الزملاء والأصدقاء في سنة ثانية (أخص بالذكر عبد الله مرجان وحسام عتمان وعرفة-تشان ومحمود حمادة وعَلَم ومحمد ماهر غلاب وغيرهم كتير)، كانوا خير عون للعبد لله في حاجات كتير وإن كانت بتحصل بيننا مشاكل أحياناً، لكن حتى الإخوات بيتخانقوا :) ربنا يخلينا لبعض ويوفقنا جميعاً.

– حبايبي أوي الشباب في سنة ثالثة ( أخص بالذكر أحمد العيص وجيمي والشريف وسامي وبسيوني وسيسي-تشان والنشرتي وسيادة الريّس "هو عارف نفسه بقى :D" وغيرهم كتير أوي): بجد، أشكركم جداً ومش قادر أبطل شكر.. كفاية وقفتكم المستمرة جنبي حتى وإحنا في سنين مختلفة، وكفاية صبركم عليّ وعلى إزعاجي.. شكراً ليكم بالقوي.. ربنا يديم المحبة والمودة :)

– إخواني وعشرة عمري الشباب في سنة رابعة (جلجل وعمر هشام وأبو صلاح الكبير والشرنوبي الخطير وهاشم-كون ورسلو-تشان وناصف وغيرهم كتير): إنتم عارفين بقى.. عشرة عمري وحبايبي، مش هقول أكتر من كده.. :)

– د. أحمد عمارة: الأخ العزيز والصديق الجميل جداً اللي بعتز بصداقته: أشكرك لاهتمامك الشديد وربنا يبارك لك في حياتك القادمة إن شاء الله :)

 

من خارج الكلية بقى :D  :

– سارة درويش (أوجو-ساما) والأستاذة منى درويش والأخ الكبير الأستاذ محمد درويش: دعواتكم استجيبت والحمد لله، بجد بجد أشكركم على قلقكم واهتمامكم وتشجيعكم طول الفترة اللي فاتت، كنتم ليّا زي الأشقاء وأكثر.. شكراً لكم جميعاً.. :)

– شريف شقارية الضفدع :P : شكراً يا واد! بحب وشك السِمِح ودقنك اللي لا بتطول ولا بتقصر دي! ربنا ما يحرمني من خلقتك دي أبداً :D

– فقي-تشان: أول المهنئين من خارج الكلية! :) شكراً يا باشا تعبناك معانا، ربنا يوفقك يا رب ونشوفك إعلامي كبير زي حمدي قنديل كده :D

– الأستاذ شوقي رجب: أخ كبير وصديق عزيز بعتز بمعرفته جداً وأسأل الله دوام الأخوة والمودة بيننا دايماً :) أشكرك على رفعك لروحي المعنوية وتشجيعك وتهنئتك :)

– الأستاذ عادل عصمت: الروائي الرائع والأب العزيز، أشكرك على تشجيعك الدائم واهتمامك ورعايتك ^^

– رانيا وغادة محسن: رفاق الصالون الأدبي، تسلموا لي وربنا يوفقكم في امتحاناتكم :)

– محمد حمدي الصحفي النشيط: تسلم يا معلمي 3:

– أحمد دبور ومحمود عبد اللطيف: جزاكم الله كل خير إخواني الأعزاء، بعتز بمعرفتكم جداً رغم إني ما قعدتش معاكم كتير للأسف :)

– محمد شومان: حبيب قلبي وعمي وعم عيالي.. بس كده :D

– أسامة ناصف (أص أص): واحشني بشكل مخيف لدرجة إني حاسس إني هفترسك لما أشوفك! :D أشكرك بجد على كل شئ وعلى دعمك وتحملك لي :)

– كل أصدقائي على الفيس بوك الذين هنأوني ولم تتح لي ولا لهم الظروف لنلتقي وجهاً لوجه: شكراً لكم جميعاً واحد واحد، صعب أذكر أسماءكم كلكم هنا، لكن بجد سعيد جداً بيكم :)

 

وإلى كل هؤلاء الذين دعموني وساندوني ووضعوني على أول الطريق: قد وضعتكم جميعاً ألحاناً عذبة في معزوفة أفكاري اليومية.. شكراً لكم دائماً.. شكراً لكم حقاً.. سأكون شاكراً لله دائماً أن أوجدكم، أصدقائي وإخواني.. :)

 

شكراً..

 

محمد الوكيل

 

A.M.Revolution

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s