سبعة..

بسم الله الرحمن الرحيم

فكرة لا بأس بها وجدت بعض أصدقائي في الفيس بوك قد قاموا بها، وهي اختيار 7 أشياء (أريد القيام بها – أريد التوقف عنها – عبارات أقولها كثيراً – أشخاص لا أتخيل حياتي من دونهم)، وربما هي قديمة بعض الشئ إلا أنني وجدت في نفسي الرغبة لإجراء ذلك الاختيار العسير نوعاً ^^" وعلى بركة الله:

 

* 7 حاجات نفسي أعملها:

1- أسيب الكلية والكورسات والمذاكرة لمدة أسبوع كامل، من غير تأنيب الضمير المزعج إياه!

2- أكتب رواية طويلة وحلوة، وأكتبها باستمتاع وتكون رواية ممتعة وقوية فعلاً! ^^

3- أخلص كل الكتب اللي عندي وأجيب غيرهم كمان.. بس النقديااااااااااا T.T

4- أشتري آي بود! ^^

5- أغني بصوت عالي قدام الناس من غير ما حد غتت فاكر نفسه عاقل ورزين أوي يتريق عليا أو يسكتني! ^^

6- أقعد على البحر أو أتمشى في شارع طويل أوي مع حد بحبه..

7- أكون حد تاني غيري.. ولو لبعض الوقت.. لأسباب عديدة..

 

* 7 حاجات نفسي أبطلها:

1- الهبل اللي أنا فيه ده! ^^

2- أبطّل نرفزة في نفسي من غير داعي في كتير من الأحيان..

3- أكون تلقائي بزيادة كده..

4- أبطل نوم في كورس الباثولوجي اللي النوم مش بيحلى لي غير فيه لسبب ما! ^^"

5- أبطل تفكير في يومين من عمري: 2 يوليو 2009، و4 يوليو 2009.. ولو إني أشك في الأخير ده..

6- أبطل نظرتي السوداوية لبعض الأمور..

7- أبطل الخمول اللي أنا فيه من فترة

 

* 7 عبارات بقولها كتير:

1- بانكاي!!!!

2- معلش.. بمعنييها: الاعتذار والتريقة ^^"

3- I Bleed it out, Digging Deeper just to throw it away!

4- لول بالقوي :D

5- مساء الـ… أو صباح الـ… (مكان النقط الموقف الحالي.. زي مثلاً "صباح الكسل" أو "مساء الخنقة") إلخ :D

6- ماشي يا خويا ^^

7- Mattaku!! دي زي

Oh come on!

بس بالياباني ^^

 

* 7 أشخاص/كيانات بحبهم جداً ومقدرش أتخيل حياتي من غيرهم:

1- ربنا (سبحانه وتعالى).. كل يوم بكتشف آياته في كل شئ، وكل يوم عن التاني بندهش.. وكل يوم بأزداد ثقة في إن حياتي لازم تكون مُسّخرة له.. لأن ده –ببساطة- أقل واجب وشكر على نعمه.. ^^

2- الحاجّة والدتي.. ربنا يخليها لي هي وأسرتي يا رب :)

3- أحمد جلال (جلجل) حبيب قلبي، رغم الصويت المنغوم اللي بيسمعه ودور الكآبة المزمن اللي عنده ده، بس بحبه جداً في الله وكأخ وصديق عزيز :)

4- محمد متولي الشعراوي ومحمد الغزالي (رحمهم الله رحمة واسعة).. ناس محترمين جداً، حاسسهم فهموا حقيقة هذا الدين فعلاً.

5- كتير من أصحابي منهم (أحمد العيص ومن معه – طارق عميرة وشباب الصالون زي الفقي-تشان وعلي الشريف وماجد عبد الدايم وسنة والأستاذ أحمد محيي الدين وسارة درويش-سان وسالي علي-سان وآخرين كلهم عزيزين عليّا – أصحابي في دفعة سنة خامسة ومنهم أبو صلاح والشرنوبي وعمر هشام وناس تانية كتير – أصدقائي من خارج مصر ^^) وناس كتير تانية يصعب عليّ حصرهم كلهم حالياً ^^

6- هي..

7- أنا..! مش بحبني أوي يعني ولا حاجة لا سمح الله لكن مش قادر أتخيل حياتي من غيري ^^"

وأشخاص تانيين كتير جداً.. تقريباً كل شخص أعرفه في الحياة يصعب أتخيل حياتي من غيره، لكن دول الأكثر تأثيراً ^^

 

* 7 أشياء بحبها:

1- أوضتي وسريري ومكتبي وكتبي ^^

2- الحياة.. كل أشكال الحياة ^^

3- موبايلي.. نوكيا إن 95 أو زانجتسو كما يحلو لي أن أسميه ^^

4- الكمبيوتر.. طبعاً يعني :D

5- إيتشيجو كوروساكي من أنيمى بليتش ^^ حبيب قلبي، رغم إنه مش "شئ" لكن هو شخصية أنمي مش شخص حقيقي طبعاً :D

6- الأنمي.. عموماً ^^

7- الروك الياباني ^^ وبعض الحاجات في الروك الأمريكي وبعض حاجات متفرقة أخرى بنتقيها بعناية.

 

* 7 أشياء بكرهها:

1- إسرائيل!!

2- الفضول غير الحميد!

3- الغباء لما يتجاوز الحدود!!

4- كتير من الأفلام والمسلسلات المصرية ، لأنها ساذجة و(أوفر) جداً (فيه حد في الحقيقة بيدّي ظهره للي بيكلمه وهما بيتكلموا؟! ولا فيه حد لما يخلص آخر جملة في كلامه بيروح باصص للكاميرا؟؟ :D)

5- الحكومة..! بصراحة بقى وأجري على الله!

6- المبالغة والتعقيد.. بكره جداً لما حد يدّي حاجة أو موضوع أكبر من قدره بكتير.

7- أي شئ أو شخص سافل أياً كانت مبرراته بقى!! خاصة في المجال الأدبي!

8- "إن سمحتم لي بالإضافة" أنا!! نفسي!! محمد الوكيل يعني!

بس كده! ^^

شكراً..

محمد الوكيل

A.M.Revolution

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s