A.M.Revolution: يا ترى حصلت فعلاً..؟؟

بسم الله الرحمن الرحيم

 71999_473591268089_624193089_5784883_7742467_n

 

يعني إيه "إيه إم ريفوليوشن" اللي بكتبها في آخر كل حاجة بكتبها دي؟ سؤال اتسألته كتير وجاوبت عليه كتير وبفكّر بيه:

A.M.Revolution محاكاة لاسم فني لفنان ياباني اسمه "تاكانوري نيشيكاوا" اسمه الفني T.M.Revolution، يعني Takanori Makes Revolution.. ء

وبالتالي إيه إم ريفوليوشن يعني Alwakeel Makes Revolution! :)) لقب اعتباطي نوعاً ما لكني بعتز بيه جداً وبحبه، كنت متخذه ليا لقب من حوالي سنة ونص أو أكتر، حتى قبل ثورة تونس أصلاً.. حسيته يومها لقب معبر تماماً عن حاجة جوايا، حاجة ثورية بترفض القواعد القديمة المتحجّرة، وبترفض الغلط والحال المايل وبترفض السيطرة والقيود السخيفة، خاصة المجتمعي منها..! ء

 

طيب، بعد السنة ونصّ دي وبعد الأحداث الكتير أوي دي اللي شيّبت الأطفال قبل ما يتولدوا حتى، مش المفروض أعمل حاجة زي كشف حساب للي عملته من ساعة ما اتخذت اللقب ده، واتخاذي له يعتبر وعد على نفسي إني –فعلاً- أقوم بثورة في كل اللي بعمله..

 

وبيني وبينكم، أنا المرة دي مش مايل تماماً لفكرة إني أسرد إنجازات أو أحكي قصص طويلة عريضة عن اللي عملته لأني –حقيقي- مش متأكد إذا كان عمل ثورة زي ما كنت آمل ولا لأ.. بس اللي إلى حد ما متأكد منه، إن 342 نوت/تدوينة كتبتهم خلال السنوات اللي فاتت ومن قبل لقب إيه إم ريفوليوشن، وإن التدوينات الكتير جداً اللي كتبتها مذيلة باللقب ده، غيّرت جوايا كتير جداً.. خلتني أقوى وأوسع نظرة وأكتر فهماً لحاجات كتير.. كل كلمة كنت بكتبها كانت بتخليني أنا أفهم حاجات أكتر عن نفسي وعن طريقة تفكيري وعن فلسفة الحياة عموماً.. أكسبتني أصدقاء وناقدين وناصحين كتير فادوني وخلوا اللي بكتبه له قيمة أكتر وأكتر وأكتر، كانت كل كلمة من كل واحد فيهم بتسنّ سيفي أكتر وبتخليه بجد حاجة أقدر أقاتل بيها في الحياة.. النوتس دي كلها –بصراحة يعني- خلتني أحس بالفخر وبالدهشة، اللي هو (أنا بجد اللي كاتب ده كله؟ مش مصدق! :))) )

مش هتكلم عن تفاصيل ومش هحكي، لأني المرة دي بصراحة كده عاوز أسمع منكم إجابة لسؤال واحد: الوكيل فعلاً قدر يعمل ثورة، ثورة خاصة بيه هو اللي قام بيها؟ ويا ترى قدر يغيّر بيها حاجة، في الدنيا دي أو في تفكيركم أو حتى في شكل الهوم بيدج بتاعتكم..؟

 

منتظر رد بشغف شديد.. :)

 

 

محمد الوكيل

A.M.Revolution

 

(تدوين يومي)

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s