الميتال وأيامه: إلهام من نوع خاص..

اللي كان قرأ كتابي الإلكتروني (اسمع! القلم بيعزف مزيكا) هيأخذ باله من إن أغلب الأغاني اللي فيه من النوع العنيف حبتين، اللي بيتسمى عموماً (ميتال Metal)، ولو نفس الشخص متابعني على الفيسبوك أو تويتر هيلاقيهم مدروزين لينكات لأغاني شبيهة، على الأقل يعني سبعين ف المية :))

الحقيقة إن أنا شخصياً مكنتش متصور إن ييجي عليا يوم يكون فيه النوع ده من المزيكا مصدر إلهام واهتمام شديد كده بالنسبة لي.. بيوصل الأمر لأن لكل مناسبة عندي أغنية ميتال معينة، شدتها وكلماتها بيختلفوا حسب المناسبة طبعاً.. :)) ء

وقبل ما تيجي الأيام دي بقى، كنت من الناس اللي ممكن تشوف (جلال) صاحبي الوغد وتعرف إنه بيسمع ميتال تروح منطلقة في موجة من الـ(ههههههههههههههههه إنت بتستحمل الدوشة والرزع ده إزاي يا عم ده دوشة ووجع دماغ ماله الكلاسيك ومالها أم كلثوم وعبحليم إلخ..)، لحد ما في يوم من أيام رمضان (آه والله!) لقيته بعت لي لينك لأغنية عبقرية هي

Linkin Park – Somewhere I belong

ولأن أنا كان ليا بعض تجارب في سماع أغاني صاخبة خاصة بعض أغاني الأنمي وحاجات تانية في مناسبات متفرقة، استمتعت بالأغنية خاصة وإن لحنها وكلماتها وأداء شستر ومايك شينودا كان متميز فيها.. وبعد كده صديقي (عبد الله العبد) بدأ هو كمان يشيّر لي كام أغنية منهم Crawling  واحدة من أشهر أغانيهم.. كنت سامع عن لينكن بارك من زمان وكان بالنسبة لي عالم جديد تماماً وممتع جداً بكتشفه.. ء

بعد كده بدأ دخولي في عالم الروك والميتال عموماً.. (نيكل باك) اللي اتعرفت عليهم عن طريق صاحبي العيص، (بريكنج بنجامين) طيّبين الذكر واللي لفت نظري ليهم اسمهم العجيب وأغنية Diary of Jane  العبقرية ليهم، (سيستم أوف أ داون) المجانين فعلياً واللي مفيش أغنية ليهم مفهومة لكن مفيش أغنية ليهم مش ممتعة! (بارامور) باند الروك الشبابي المرح جداً اللي للأسف بدأت أنساه تماماً دلوقت..

لحد حوالي سنة كانت أقوى سماعياتي للميتال لا تتجاوز لينكن بارك وبريكنج بنجامين وسيستم أوف أ داون، لحد ما اكتشفت إنهم لا شئ بجوار مجالات تانية ف الميتال :)) (من حيث الصوت العالي في الموسيقى أقصد، وأحياناً كمضمون حتى) ء

بدأت أتجه أحياناً للميتال الكلاسيكي الأصلي (الهيفي ميتال) اللي كان أساس نشأة ميتال الأيام دي، كان فرع من الروك القديم أوتاره أعلى وأسرع شوية من الروك العادي وبدأ يتجه في اتجاه لوحده.. من العباقرة دول (ميتاليكا)، (بانتيرا)، (آيرن ميدن) ولا غنى لأي ميتالجي مبتدئ عن كام أغنية لميتاليكا، وده أساسي ولا نقاش فيه يعني :))

الفترة الأخيرة بس اللي بدأت فيها فعلاً أعلى شوية في المستوى ^^” بدأت أسمع ما يدعونه (ميلوديك ديث ميتال Melodic Death Metal) وإن كان على خفيف جداً طبعاً، لكن ده تطور كبير بالنسبة لي.. نوع زي ده عمري ما كنت أطيق أحطّه في وداني حتى قبل كام شهر فاتوا مش هقول سنة :)) ء

أحياناً مزاجي بيخرج عن الأساسيين اللي بسمعهم (لينكن بارك – بريكنج بنجامين – سكيليت – ميتاليكا – بولت فور ماي فالنتاين) عشان حاجات تانية مختلفة شوية ولذيذة برضه زي الباور ميتال (أفانتازيا – نايتنجيل) والسيمفونيك ميتال (إيفانيسنس – إيبيكا)، وكل جينر من دول فنّ عبقري قائم بذاته فعلاً، متشابهين فقط في الآتهم وبعض أوتارهم.. واستماعي بشكل دائم لمجموعة معينة فقط راجع للتعوّد، لكن الباقيين عباقرة طبعاً بس لكل منهم وقت ومزاج معين وحالة إبداعية معينة :)

ناس كتير من اللي بيكتبوا بيبقى عندهم مزاجات معينة، بيسمعوا أغاني عربي معينة أو بيشربوا شاي/سجاير/حشيش أو ما بدا لهم يعني عشان يعدلوا الجمجمة، لكن في أحيان كتي مفيش أحسن من الميتال هو اللي بيقوم بالدور ده.. مزاج شاذ وغريب شوية بالنسبة لناس كتير يمكن، لكن الناتج ولله الحمد  بيعجب نفس الناس دي في الآخر ^^ ء

مكذبش عليك لو قلتلك إن كل اللي كتبته ده وكل الذكريات اللي بتجيني دلوقت عن الميتال وأيامه ذكريات عزيزة جداً، مهمة جداً ومبقاش بكذب لو قلت إنها شكلت جزء كبير من كياني كوكيل، وحوافز قوية لحاجات كتير كتبتها ومصادر إلهام كاملة أحياناً.. منساش إن أكتر من نص اللي كتبته وترجمته وناقشته كنت بعمله وأنا بسمع حاجة ميتال واحدة على الأقل.. منساش أبداً إن الميتال والروك والمجال ده كله من الموسيقى رفيق درب للعبد لله، حاجة كده بتمشي معايا لما ببقى ماشي لوحدي مش لاقي حد معايا.. :)

وتستمر الرحلة.. ^^

 

 

محمد الوكيل

A.M.Revolution

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s